IKEA არის ცნობილი საერთაშორისო კომპანია, რომლის მთავარი ორიენტაციაა, მომხმარებლის ცხოვრებაზე ზრუნვა და მათი საცხოვრებელი სივრცეების გაუმჯობესება, ავეჯით, სამეურნეო ინვენტარითა და დეკორაციებით. ის მიზნად ისახავს ხარისხიანი, ფუნქციონალური და კარგად დაგეგმილი ავეჯისა და სახლის აქსესუარების შეთავაზებას, რაც არის ხელმისაწვდომი ყველასთვის.კომპანია დააფუძნა 1943 წელს შვედეთში, ინგვარ კაპარდმა.

ბრენდები და ბაზრები: IKEA მოიცავს სხვადასხვა ბრენდებს, თუმცა მისი ძირითადი ბრენდი არის მხოლოდ IKEA. კომპანია ოპერირებს 400-ზე მეტ მაღაზიაში 50-ზე მეტ ქვეყანაში, მათ შორის აშშ, გერმანია, საფრანგეთი, დიდი ბრიტანეთი და ჩინეთი.

გეოგრაფიული სეგმენტაცია: IKEA იყენებს გეოგრაფიულ სეგმენტაციას, რომელიც ეფუძნება ქვეყანაში არსებული კულტურული და ეკონომიკური სპეციფიკების გათვალისწინებას. მაგალითად, მაღაზიების დიზაინი და პროდუქტის არჩევანი შეიძლება განსხვავდებოდეს ქვეყნების მიხედვით, რათა შეესაბამებოდეს ადგილობრივ საჭიროებებს და მომხმარებლების ყოფის სტილს.

IKEA-ს მაღაზიები განლაგებულია მსოფლიოში 50-ზე მეტ ქვეყანაში, მათ შორის:

• ჩინეთი: სწრაფად მზარდი ბაზარი, სადაც კომპანია ახალი მაღაზიების გახსნას გეგმავს.
• აშშ: ერთ-ერთი უდიდესი ბაზარია, სადაც IKEA-ს მაღაზიები ყველაზე პოპულარულია, განსაკუთრებით ახალგაზრდებში.
• ევროპა: გერმანია, დიდი ბრიტანეთი და საფრანგეთი ასევე არიან მნიშვნელოვანი ბაზრები.

ძირითადი მიზნები:

1. ხელმისაწვდომობა: კომპანიას სურს, რომ ავეჯი და სახლის პროდუქცია იყოს იაფი, მაგრამ ხარისხიანი, რაც საშუალებას აძლევს მომხმარებლებს მაქსიმალურად აირჩიონ საჭირო ნივთები.
2. ფუნქციონალურობა: IKEA-ს პროდუქცია ხშირად დიზაინირებულია მრავალფუნქციური გადაწყვეტილებების გათვალისწინებით, რაც ხელს უწყობს სივრცის ეფექტურ გამოყენებას.
3. დიზაინი: კომპანია ზრუნავს თანამედროვე და სტილური დიზაინის შექმნაზე, რაც მომხმარებლებს ეხმარება თავიანთ სივრცეში შექმნან სიმშვიდე და კომფორტი.
4. მდგრადობა: IKEA აქტიურად მუშაობს მდგრადობის მიმართულებით, რომ მაქსიმალურად შეამციროს გარემოზე ზეგავლენა. კომპანიას აქვს მიზანი, რომ 2030 წლისთვის მისი ყველა პროდუქტი იყოს მდგრადი მასალებისგან დამზადებული.
5. მომხმარებელზე ორიენტირება: IKEA მუდმივად მართავს კვლევებს და ანალიზებს მომხმარებელთა საჭიროებებს, რათა მოახდინოს პროდუქციის და მომსახურების გაუმჯობესება.

IKEA-ის მიდგომა მიმართულია არა მხოლოდ გაყიდვების გაზრდისკენ, არამედ მომხმარებლების ცხოვრებისა და გარემოს გაუმჯობესებისკენ. კომპანია აქტიურად მუშაობს მდგრადობის საკითხებზე და ცდილობს, რომ მისი წარმოების პროცესები და პროდუქტები შეესაბამებოდეს ეკოლოგიური სტანდარტების წესებს. კომპანია გეგმავს, რომ 2030 წლისთვის მისი ყველა პროდუქტი იქნება მდგრადი და განახლებული მასალებით გაკეთებული. .IKEA-ს მიღწევები, ისეთი როგორიცაა დიზაინის ხელმისაწვდომობა და საცხოვრებელი სივრცის ოპტიმიზაცია, ხელს უწყობს მომხმარებლების მოხერხებულობას და ინოვაციებს სახლის მოწყობაში.

IKEA – ის სტრატეგიული ანალიზი ანსოფის მატრიცის და პორტერის სამი სტრატეგიის მიხედვით

IKEA, როგორც გლობალური საცალო ვაჭრობის ლიდერი, წარმატებას აღწევს კარგად განსაზღვრული და ეფექტურად განხორციელებული სტრატეგიებით. მისი მიზანია მომხმარებლებს შესთავაზოს ხარისხიანი, მაგრამ ხელმისაწვდომი პროდუქცია, რაც ხარჯების ეფექტურ მართვასა და ინოვაციურ მიდგომებს ეფუძნება. კომპანიის მოდელი მომხმარებლის აქტიურ ჩართულობას ითვალისწინებს, რაც ამცირებს ლოგისტიკურ ხარჯებს. ამასთან, IKEA დიდ ყურადღებას უთმობს მდგრად განვითარებას, მაგალითად, გეგმავს 2030 წლისთვის სრულად განახლებადი მასალების გამოყენებას.

IKEA-ს წარმატება განპირობებულია ეფექტური ლოგისტიკითა და წარმოებით. ოპტიმიზირებული მომარაგების ჯაჭვი უზრუნველყოფს დაბალი თვითღირებულების შენარჩუნებას, ხოლო ცენტრალიზებული წარმოება ამცირებს ხარჯებს. მომხმარებელთა თვითმომსახურების მოდელი და თანამედროვე საწყობები ამარტივებს მიწოდების პროცესს. მაგალითად, 2018 წელს კომპანიამ 2.5 მილიარდი დოლარი დახარჯა მიწოდების სისტემის გაუმჯობესებაზე, რაც შეკვეთების სისწრაფეს ზრდის.

ანსოფის მატრიცა კომპანიებისთვის ბაზრის ზრდისა და გაფართოების სხვადასხვა სტრატეგიას განსაზღვრავს. IKEA ბაზრის შეღწევის სტრატეგიას ახორციელებს საცალო ქსელის გაფართოებით, ონლაინ გაყიდვების პლატფორმის გაუმჯობესებით და მომხმარებელთა ლოიალობის პროგრამებით, რაც კომპანიის ბაზრის წილის ზრდას უწყობს ხელს. IKEA ბაზრის შეღწევისთვის აქტიურად ავითარებს საცალო ქსელს და ონლაინ გაყიდვებს. მაგალითად, 2022 წელს ონლაინ გაყიდვების ზრდამ 10%-ს გადააჭარბა. პროდუქტის განვითარების მხრივ, კომპანია ეკოლოგიურად სუფთა მასალებს იყენებს, როგორიცაა “BOAXEL”-ის კარადების სისტემა. გლობალური გაფართოების ფარგლებში, 2018 წელს IKEA-მ ინდოეთში პირველი მაღაზია გახსნა, 2021 წელს კი ონლაინ გაყიდვები დაიწყო. დივერსიფიკაციის სტრატეგიის ფარგლებში, კომპანია ჭკვიანი სახლის ტექნოლოგიებს, კვების ობიექტებს და საცხოვრებელი სივრცეების მართვის სერვისებს ავითარებს.

პორტერის მოდელის მიხედვით, IKEA იყენებს ხარჯების ლიდერობას, დიფერენციაციას და ფოკუსირებას. მისი უნიკალური თვითმომსახურების კონცეფცია ამცირებს ხარჯებს, ხოლო ინოვაციური და ფუნქციური დიზაინი დიფერენციაციის საფუძველია. მაგალითად, კომპანია მრავალფუნქციური ავეჯის განვითარებას აძლიერებს, რაც პატარა საცხოვრებელ სივრცეებს ერგება. ფოკუსირების სტრატეგიის ფარგლებში, რეგიონის სპეციფიკაზე მორგებული პროდუქტები იქმნება, როგორიცაა კომპაქტური ავეჯი ჩინეთის ბაზრისთვის.

IKEA მდგრადი განვითარების ერთ-ერთი ლიდერია საცალო ვაჭრობაში. მისი მიზანია 2030 წლისთვის ნულოვანი CO2 ემისია და ყველა პროდუქტის განახლებადი მასალებისგან დამზადება. კომპანია მზისა და ქარის ენერგიას ინტენსიურად იყენებს: მისი საკუთრებაშია 500,000-ზე მეტი მზის პანელი და 500-ზე მეტი ქარის ტურბინა. მომხმარებლებს ძველი ავეჯის გადამუშავების შესაძლებლობა აქვთ. კონკურენტებთან შედარებით, IKEA-ს მდგრადობა ბიზნესმოდელის განუყოფელი ნაწილია, რაც მას განსაკუთრებულ პოზიციას ანიჭებს.

IKEA-ს წარმატება განპირობებულია მისი მოქნილი და ეფექტური სტრატეგიული მიდგომებით. ანსოფის მატრიცისა და პორტერის სტრატეგიების გამოყენებით, კომპანია მუდმივად აძლიერებს თავის პოზიციას გლობალურ ბაზარზე და უზრუნველყოფს მდგრად განვითარებას. მისი უნარი, ერთდროულად შეინარჩუნოს დაბალი ფასები, ინოვაციები და მაღალი ხარისხი, ქმნის მყარ საფუძველს გრძელვადიანი წარმატებისთვის.

ანი მუზიაშვილი და ნინო ტყემალაძე